ជំនួញឈេីរបស់លោក ស៊ាម គឹមទឹម គ្មានសម្ដកិច្ចណាហ៊ានចុះបង្រ្កាប ប្រហែលលោកមានខ្នងបង្អែកដ៏រឹងមាំជាមេសឹករងខេត្តក្រចេះទេដឹង……!

0

ខេត្តក្រចេះ ៖ ជារៀងរាល់យប់នៅតាមបណ្តោយផ្លូវជាតិលេខ៧Aឆ្ពោះទៅតាមបណ្តោយផ្លូវជាតិលេខ៧៣ក្រចេះស្រុកឆ្លូងគេតែងតែសង្កេតឃើញមានរថយន្តសាំងយ៉ុងកែរឆ្នៃ ត រីម៉កឬហៅថាសាំុងយ៉ុងយីឌុប ដែលដឹកឈើជាច្រើនម៉ែត្រគូបក្នុងមួយរថយន្តៗហើយក្នុងមួយយប់មិនតិចជាង៤០គ្រឿងនោះទេ ហើយមួយគ្រឿងៗផ្ទុកមិនតិចជា១០ម៉ែត្រគូបនោះដែរ រថយន្តទាំងនោះត្រូវបានគេស្គាល់យ៉ាងច្បាស់ថាជារបស់លោក ស៊ាម គឹម ទឹម ជាមន្ត្រីយោធាថ្លេីមពាសមេឃរកសីុបទល្មេីសព្រៃឈើល្បីឈ្មោះជាយូរឆ្នាំមកហើយ។

ជាក់ស្តែងដូចជានៅយប់ថ្ងៃទី ២២ខែ ឧសភា ឆ្នំា២០១៩ នៅចំណុចភូមិស្រែស្បូវ ឃុំក្បាលដំរី ស្រុកសំបូរ ខេត្តក្រចេះ មានឃ្លាំងឈើដ៏ធំមួយដែរគេដឹងថា ជាឃ្លាំងឈើរបស់លោក ស៊ាម គឹមទឹម «ហៅទឹម» ដែរជាមន្រ្ដីយោធាវរៈសេនាតូចលេខ២ដែលជាអ្នកមានអំណាចក្នុងទឹកដីនៃខេត្តក្រចេះប្រហែលជាលោក ស៊ាមគឹម ទឹម អាងខ្នងបង្អែមដ៏រឹងមាំជាមេសឹករងខេត្តឈ្មោះ ណៃ តឹង ឡឹង ទេដឹង បានជាលោកស៊ាម គឹម ទឹម មិនដែលខ្លាចរអែងសមត្ថកិច្ចដែលពាក់ព័ន្ធ ឬមួយជាមិត្តជិតស្និតជាមួយលោកសាន្ត​ ប៊ុនថាន មេប៉េអឹមខេត្តក្រចេះនោះឬយ៉ាងណា?បានជាសកម្មភាពរកសីុឈេីរបស់លោក ស៊ាម គឹមទឹម បានរលូនមកដល់សព្វថ្ងៃនេះ។ជាក់ស្តែងក្នុងថ្ងៃខាងលេីនោះលោកទឹមអោយកូនចៅយករថយន្តសាំងយ៉ុងកែច្នៃយកមកលើកឈើដាក់ទាំងថ្ងៃដោយមិនញញើតនិងផ្លូវច្បាប់បន្តិចណាសោះឡើយដើម្បីដឹកចេញទៅចែកចាយបន្តរតាមរយៈរថយន្តសាុំងយ៉ុងកែច្នៃខ្នាតយក្សចេញពីក្នុងឃ្លាំងក្នុងមួយយប់ៗមិនតិចចាប់ពី៣០ទៅ៤០គ្រឿងនោះទេ ហើយចេញពីចំណុចខាងលើឆ្ពោះទៅខេត្តត្បូងឃ្មុំនោះតែម្តងមិនមានអ្វីមករារាំងនោះទេ។

ឃ្លាំងឈើដ៏ធំនេះត្រូវបានគេដាក់ការសង្ស័យថា៖ គ្មានលិខិតស្នាមឬច្បាប់ទម្លាប់នោះទេ ដោយសារតែសមត្ថកិច្ចគ្រប់ជាន់ថ្នាក់ត្រូវបាន លោកទឹម រៀបចំកញ្ចប់និងសែនព្រេនអស់ទៅហើយមើលទៅ ជាពិសេស លោក សាន្ត ប៊ុនថាន ដែលជាមេបញ្ជាការប៉េអឹមខេត្តក្រចេះ ដែលបានអួតក្ដែងៗថា មិនអោយមានបទល្មើសព្រៃឈើកេីតមាននៅក្នុងទឹកដីរបស់ខ្លួនឡើយ។

ចំណែកលោក ទ្រី សុភក្ត្រ័ ប្រធានមន្ទីកសិកម្មខេត្តក្រចេះមិនដែលមានបទបញ្ជារទៅមន្ត្រីក្រោមឱវាទអោយមានចំណាត់ការទៅលើបទល្មើសព្រៃឈើទាំងនេះម្តងណានោះទេ ប្រហែលជាលោក ទឹម យកដុល្លារបាំងមុខជិតអស់ហើយមើលទៅនោះ តែបើសែនមិនត្រូវវិញប្រហែលជាបិទជិតឈឹងដូចកាលប៉ុន្មានខែមុនអុីចឹង តែបើសែនត្រូវហើយទោះបីជាមានសារព័ត៌មានចុះផ្សាយជាច្រើនអង្គភាពយ៉ាងណាក៏ដោយក៏អស់លោកសម្ថកិច្ចជំនាញទាំងនោះមិនខ្វល់នោះដែរ សំខាន់បានប្រយោជន៍ដាក់ក្នុងហោប៉ៅ។

ប្រជាពលរដ្ឋរស់នៅក្នុងទឹកដីនៃខេត្តក្រចេះ សូមសំណូមពរទៅដល់ ថ្នាក់ដឹកនាំនិងរដ្ឋមន្ត្រីក្រសួងកសិកម្មមេត្តាជួយពិនិត្យមើលនៅក្នុងខេត្តក្រចេះមួយនេះផង បើមិនដូច្នេះនោះទេច្បាស់ជារលាយហិនហោចអស់ក្នុងពេលដ៏ខ្លីនេះជាក់ជាមិនខាននោះឡេីយជាពិសេសទៀតនោះសូមលោក ណៃ តឹងឡឹង ជាមេកេីយរបស់លោក ស៊ាម គឹមទឹម សូមលោកមេីលកូនចៅរបស់លោកកំពុងតែប្រព្រឹត្តល្មេីសច្បាប់នេះផងឬមួយ ស៊ាម គឹមទឹម​ ជាកូនចៅសំណប់ចិត្តសំរាប់រកប្រភពសេដ្ឋកិច្ចជូនលោក៕រីឯលោកសាន្តប៊ុន ថាន្ត ជាមេប៉េអឹមខេត្តក្រចេះតែងតែអួតក្តែងៗថា៖លោកមិនអោយកេីតមានបទល្មេីសព្រៃឈេីកនៅក្នុងខេត្តក្រចេះនោះទេថា៖តេីលោកមានវិធានការបែបណាចំពោះមេឈ្មួញ ស៊ាម គឹមទឹមនោះ។ពាក់ព័ន្ធក្នុងករណីខាងលេីនេះ[គេហទំព័រត្បូងញូវ]មិនអាចស្វែងរកលេខទូរស័ព្ធអស់លោកសមត្ថកិច្ចខាងលេីដេីម្បីសុំការបំភ្លឺបានទេមកដល់ថ្ងៃនេះ។(គេហទំព័រត្បូងញូូវ)ផ្សាយតែព័ត៌មានពិតៗក្នុងន័យរិះគន់ដេីម្បីស្ថាបនាតែប៉ុណ្ណោះបេីអស់លោកគិតថាមិនពិតឬយ៉ាងនោះសូមcall.0975558008.012586505 យេីងខ្ញុំរង់ចាំបកស្រាយគ្រប់ពេលវេលា៖ សូមអរគុណ

Leave A Reply

Your email address will not be published.